Ministri i Brendshëm i Surinamit thotë se e kanë tërhequr njohjen e Kosovës

08:05 | 3 Nëntor 2017
Arbresh.info

Mediat serbe po raportojnë se ministri i jashtëm i Serbisë, Ivica Daçiq mbrëmë ka zhvilluar një takim me ministrin e brendshëm të Surinamit, Mohammed Fajzel Nersalima.

Danas dhe mediat e tjera në Serbi raportojnë se ministri i Surinamit ka theksuar që vendimi për ta tërhequr njohjen ndaj Kosovës kishte ardhur pas konsultimeve të shumta edhe me presidentin e shtetit, transmeton lajmi.net

Nersalima tutje tha se kjo ndikon jashtëzakonisht mirë në përmirësimin e raporteve ndërmjet Kosovës dhe Serbisë.

Kurse, Daçiq deklaroi se ky ishte një vendim i cili shprehu miqësinë ndërmjet Surinamit dhe Serbisë.

Ndryshe, zyrtarët e qeverisë së Kosovës kanë deklaruar se ende nuk kanë marrë ndonjë dokument zyrtar që njofton për tërheqjen e njohjes së Kosovës nga Surinami.

Ishte pikërisht Daçiq i cili gjatë ditës së martë paraqiti një dokument, ku thuhej se Surinami tërheq njohjen ndaj shtetit të Kosovës.

Shpërndaje në rrjete sociale

Lajmet më të lexuara

Të ngjashme

Foto lajm